- Russiski almenningurin má fara at ivast í meiningini við krígnum í Ukraina, eftir at russiski herurin nú hevur valt heilt at taka seg aftur úr býnum Kherson. Tað heldur bretski verjumálaráðharrin, Ben Wallace.
Kherson er fyrsti størri býurin sum Ukraina hevur rikið russisku herdeildirnar úr, síðani russiski forsetin Vladimir Putin gjørdi av at leypa á grannalandið.
- Nú tá hesin býurin eisini er uppgivin, so má vanligi russarin byrja at spyrja seg sjálvan, hvat alt skal vera gott fyri, segði Ben Wallace.
Hann legði afturat, at hóast Russland nú tekur seg aftur, so skal ongin undirmeta hóttanina, sum Russland framhaldandi er.
Um tú veitst okkurt, sum VP ikki veit - skriva so til vp@vp.fo