Veitingarskipið Highland Eagle, sum hevur heimstað í Bretlandi, kom í gjár á Vestmanna við einum elkaðali sum í nátt er lagdur út í sund, har svenska fyritøkan Minesto ger royndir við sonevndu sjóvarfalsdrekunum, sum gera ravmagn burtur úr sjóvarfallinum í Vestmannasundi.
Higartil hava royndirnar verið gjørdar við minni prototýpum av tí størra drekanum, sum ætlanin er at fara at brúka, tá alt er klárt. Kápulin sum nú verður lagdur er ein partur av hesum ætlanunum.
Um tú veitst okkurt, sum VP ikki veit - skriva so til vp@vp.fo