Gordon Brown hevur sent eina nýggja fimm síður langa frágreiðing til bretsku løgregluna við tí, sum hann lýsir sum “nýggjar og eyka upplýsingar” í málinum um Jeffrey Epstein.

Frágreiðingin var send til Metropolitan Police og fleiri onnur politiøki hósdagin, skrivar New Statesman.

– Notatið er ískoyti til tað, sum eg sendi í farnu viku, har eg vísti á, at vit skulu tryggja rættvísi fyri kvinnur og gentur, sum hava verið handlaðar, sigur Brown.

Í síðstu viku bað Brown løgregluna kanna, um Epstein brúkti bretskar flogvøllir til menniskjahandil, og skrivaði í einum kronikki, at hann hevði prógv fyri tí, skrivar VG.