Talvsambandið: Altjóða talvsamgongan FIDE hevur kunngjørt nýggjan styrkilista fyri september 2022.  Úrslitini hjá Føroyum á talvolympiaduni í summar síggjast nú aftur. 

Høgni Egilstoft Nielsen er farin niðurum 2400 í rating, sum hann í longri tíð hevur hildið seg uppi á, Luitjen Akselsson Apol er gliðin úr topp 15, og John Rødgaard er dottin niðurum 2300.

Støðan er kortini ikki verri enn so, enn at Føroyar standa nummar 76 av teimum 170 londunum, sum FIDE hevur á sínum yvirliti. Á olympiaduni vóru útivið 200 lond við í almennu kappingini.

Yvirlitið er roknað eftir miðalstyrkitalinum hjá landsins fremstu telvarum. USA er á odda, Russland er nummar tvey og Kina nummar trý. Norra er nummar 15, og Usbekistan, sum púra óvæntað vann olympiaduna í India í summar, er nummar 18.

Teir fremstu fimm telvararnir í heiminum eru nú hesir:
1. Magnus Carlsen (Noreg) 2861
2. Liren Ding (Kina) 2808
3. Ian Nepomniachtchi (Russland) 2792
4. Alireza Firouzja (Frakland/Iran) 2778
5. Wesley So (USA) 2771

15 teir bestu
Í Føroyum eru umleið 350 telvarar, sum eru virknir í teimum níggju feløgunum, sum í vetur vóru virkin í føroysku landskappingini.

Teir fremstu fimtan eru hesir:
1. Helgi Dam Ziska (HT) 2543
2. Høgni Egilstoft Nielsen (ST) 2394
3. John Arni Nilssen (ST) 2336
4. Martin Poulsen (HT) 2311
5. John Rødgaard (VT) 2281
6. Rógvi Egilstoft (ST) 2274
7. Olaf Berg (HT) 2204
8. Flóvin Tór Næs (HT) 2204
9. Hans Kristian Simonsen (KT) 2198
10. Bogi Ziska (TT) 2190
11. Ólavur Simonsen (KTF) 2189
12. Jóan Hendrik Andreasen (HT) 2187
13. Carl Eli Samuelsen (HT) 2171
14. Eyðun Nolsøe (KTF) 2163
15. Sjúrður Thorsteinsson (HT) 2139

Norðurlond
Okkara stórmeistari telist sum kunnugt millum teir fremstu í norðurlondum. Í einum topp 20 lista, er Helgi í løtuni nummar 11. 

Norra er best umboðað á hesum listanum. Norðmenn eiga sjey av fremstu tjúgu telvarum í norðurlondum. 

Helgi Dam Ziska hevði verið nummar 6 í Norra, nummar 3 í Danmark og Svøríki, nummar 2 í Finnlandi og nummar 1 í Íslandi.

Tann norðurlendski topp 20 listin er hesin:
1. GM Magnus Carlsen (Noreg)  2861
2. GM Aryan Tari (Noreg) 2656
3. GM Nils Grandelius (Svøríki) 2651
4. GM Jon Ludvig Hammer (Noreg) 2625
5. GM Jonas Buhl Bjerre (Danmark) 2598
6. GM Mads Andersen (Danmark) 2597
7. GM Johan-Sebastian Christiansen (Noreg) 2583
8. GM Simen Agdestein (Noreg) 2576
9. GM Evgeni Agrest (Svøríki) 2567
10. GM Tomi Nyback (Finnland) 2566
11. GM HELGI DAM ZISKA (FØROYAR) 2543
12. GM Hjørvar Steinn Gretarsson (Ísland) 2542
13. GM Lars Oskar Hauge (Noreg) 2533
14. GM Frode Urkedal (Noreg) 2533
15. GM Allan Stig Rasmussen (Danmark) 2531
16. GM Sune Berg Hansen (Danmark) 2525
17. GM Hannes Stefansson (Ísland) 2527
18. GM Erik Blomqvist (Svøríki) 2523
19. GM Kjetil Lie (Noreg) 2521
20. GM Henrik Danielsen (Ísland/Danmark) 2521