Brúgvin frá Russlandi til Krim hálvoynna er rakt av eini spreinging. Helst var tað ein bilbumba sum sprongdist á brúnni, siga russiskar trygdarkeldur.
Spreingingin hendi tíðliga í morgun. Eitt tok, sum var á veg út á Krim, stendur í ljósum loga.
Krim hoyrir til Ukraina, men Russland hertók hálvoynna longu í 2014. Brúgvin, sum nú er sprongd, varð latin upp í 2019.
Ein talsmaður fyri russisku trygdardeildirnar á staðnum sigur at skaðarnir, brúgvin hevur fingið, eru ikki álvarsligir og verða skjótt umvældir.
Um tú veitst okkurt, sum VP ikki veit - skriva so til vp@vp.fo