Um ullin er føroysk sigur søgan onki um. Men talan er í øllum førum um ull av seyði, sambært nethandlinum The Cozy Sheep, sum í hesum døgum fleirfaldar søluna, serliga av inniskóm, eftir øllum at døma tí danir stúra fyri einum køldum og truplum vetri sum stendur fyri framman.
Við miðilin Finans.dk siga teir sum eiga handilin, at tað er ikki teirra vøruúrval sum hevur gjørt, at sølan er so nógv vaksin. Tí vøruúrvalið er tað sama.
- Hetta er nógv meira enn vit høvdu væntað. Vit seldu fyri 90.000 kr í august og høvdu onki starvsfólk. Nú hava vit sett 10 fólk í starv og selja fyri 3,5 mió kr í september, sigur Michael Jørgensen, sum sjálvur annar eigur handilin.
Um tú veitst okkurt, sum VP ikki veit - skriva so til vp@vp.fo
