Felagið hjá privatum donskum íleggjarum var á vitjan í Føroyum í september. Og talan var um ein framúr væleydnaðan túr, skrivar blaðið hjá felagnum, Aktionæren, í seinastu útgávuni.
Vitjað var hjá børsskrásettu fyritøkunum BankNordik og Bakkafrost, og har fingu privatu íleggjararnir eftir øllum at døma góða kunning og rundvísingar.
- Skulu vit døma eftir evalueringini aftaná túrin, var tað ein heilt fantastisk uppliving at vitja í Føroyum. Luttakararnir góðu bara toppkarakter, antin 4 ella 5 út av 5 møguligum, stendur í blaðnum.
Dansk Aktionærforening skipar fyri túrum fyri limirnar kring allan heimin, millum annað fyri at vitja áhugaverdar fyritøkur. Í mars 2019 verður farið til Suðuramerika.
Um tú veitst okkurt, sum VP ikki veit - skriva so til vp@vp.fo