Tað er nú greitt, at demokratarnir vunnu miðvalið í Nevada og teir hava nú tryggjað sær meiriluta í Senatinum.
Demokratiski senatorurin Catherine Cortez Masto varð afturvald, í svingstatinum.
Ein nýggj vallóg ger, at hóast valið var 8. novembur, so skulu brævatkvøður fram til 12. novembur teljast við. Hóast endaliga uppteljingin ikki er liðug, so er munurin ov stórur til at republikanska valevnið kann koppa tí demokratiska.
Amerikansku veljararnir atkvøddu eisini um valdið í Umboðsmannatinginum. Og enn eru ikki allar súðir syftar hjá demokratunum, tí ofta tapur flokkurin, sum hevur forsetan, valið í Umboðsmannatinginum, og har vísa uppteljingarnar, at republikanararnir liggja á odda.
Um tú veitst okkurt, sum VP ikki veit - skriva so til vp@vp.fo