Alex Ahrendtsen í Danska Fólkaflokkinum heldur ikki, at setast skal tulkur, um Grønland velur eitt umboð, sum ikki vil tosa danskt í fólkatingssalinum ella dugur danskt.
Men tað meina Konservativi flokkurin, Grøni-flokkurin og Radikali Vinstriflokkurin ikki eigur at gerast ein trupulleiki.
Verður tað góðtikið, at tosað verður grønlendskt frá talastólinum í Fólkatinginum og hvussu so við at tað verður tulkað?
Hesin spurningur er vorðin aktuellur eftir at Hans Enoksen hevur valt at stilla upp, skrivar Sermitsiaq.
Enoksen hevur boðað frá, at hann fer at tosa á grønlendskum í Fólkatinginum, og tað heldur hann ikki er nakar trupulleiki:
- Vit yvirseta tey sum tosa danskt her í Grønlandi, og somu rættindi vil eg hava í Danmark, sigur hann.
Um tú veitst okkurt, sum VP ikki veit - skriva so til vp@vp.fo