Í Danmark eru tað kommunurnar sum gera av, um foreldur kunnu fáa gjald fyri at vera heima hjá børnunum. Kommunurnar gera eisini av, hvussu nógv foreldrini kunnu fáa.
68 danskar kommunur geva stuðul til foreldur, sum sjálvi ansa børnum sínum heima, tá børnini eru ímillum 0 og 2 ár. Og 46 kommunur geva stuðul til at passa børnini heima, tá barnið er frá 3 til 5 ár. Stuðulin liggur ímillum 1.700 og 8.300 krónur um mánaðin, vísa tøl frá danska barna- og undirvísingarmálaráðnum.
DR skrivar, at ein av kommununum, Vejle kommuna, júst hevur tvífalda upphæddina sum foreldrini kunnu fáa, tí trýstið á dagstovnarnar er blivið so stórt eftir at óvanliga nógv børn eru borin í heim. Soleiðis kunnu foreldur nú fáa 7.367 krónur um mánaðin, um tey velja sjálvi at hava børnini heima, heldur enn at senda tey í vøggustovu ella dagrøkt.
Um tú veitst okkurt, sum VP ikki veit - skriva so til vp@vp.fo