Eiðis kommuna: Nýggjastu tølini frá Hagstovuni vísa, at Eiðis kommuna er tann kommunan í Føroyum, har fólkatalið er vaksið mest í prosentum seinasta árið.
1. oktober 2021 búðu 773 fólk í kommununi. Nú eitt ár seinni búgva 810 fólk í kommununi.
Talan er um ein fólkavøkstur á 37 fólk ella 4,8%.
So stóran vøkstur hevur eingin onnur kommuna í landinum.
Hetta er sjón fyri søgn at tað gongur væl í Eiðis kommunu.
Har gott fólk er, legst gott fólk afturat, sigur Eiðis kommuna.
Um tú veitst okkurt, sum VP ikki veit - skriva so til vp@vp.fo