Í morgin fer at regna, serliga fyrrapartin. Tað verður helst lýggjari, upp í 7 stig. Hann frískar vindin eitt skifti, men móti kvøldi aftur minni vindur.
Týsdagin verður aftur kaldari, um frostmarkið. Strúkur í vindi og upp í hvassan vind millum eystan og landnyrðing og tað fer at kava.
Mikudagin strúkur í vindi av norði, okkurt kavaæli men eisini sólglottar, hitin um ella beint omanfyri frostmarkið.
Hósdagin fyrst frískur vindur av norði sum minkar sum dagurin líður. Kanska okkurt kavaæli og hitin beint omanfyri frostmarkið.
Fríggjadagin verður gul av eystri ella landsynningi, skýggjað men turt og hitin beint omanfyri frostmarkið.
Næsta vikuskiftið sær út til at blíva vakurt vetrarveður við lítlum vindi av høgætt, hita um frostmarkið og sólglottum av og á.
Um tú veitst okkurt, sum VP ikki veit - skriva so til vp@vp.fo