Hóast kuldin ikki hevur slept takinum, so merkist sólin væl nú. Og í vikuni sum kemur verður fitt av sólskini fleiri av døgunum, serliga seinnu helvt av vikuni.
Í morgin verður tó væl av vindi av vestri, í hvirlunum stormur, 25 m/s, hitin um fimm stig og ælaveður, serliga fyrrapartin.
Týsdagin mestsum logn, kanska ein ond av ymsum ættum, ælaveður fyrrapartin, sólglottar seinnapartin, kalt, 3-4 stig.
Mikudagin frískur vindur høgt og turt men kalt, 2-5 stig, sól ella sólglottar tað mesta av degnum.
Hósdagin fer sólin at síggja ein stóran part av degnum, ættin ímillum útnyrðing og norðan og hitin um 7 stig.
Fríggjadagin framvegis sól ella sólglottar, fleyr til gul av ymsum ættum, hitin 4-7 stig.
Langtíðarforsøgnin sær ikki so gott út fyri aðru viku. Hon byrjar við kavastormi av landnyrðingi og hita um frostmarki, bæði mánadagin og týsdagin.
Um tú veitst okkurt, sum VP ikki veit - skriva so til vp@vp.fo
