Skúlablaðið: Í samgonguskjalinum stendur, at ætlanin er at endurskoða landsroyndirnar og PISA-royndina. Landsroyndirnar hava verið síðan 2008, og vit hava tikið lut í PISA-royndini síðan 2006. Føroya Lærarafelag hevur fleiri ferðir víst á, at úrslitini frá royndunum so gott sum ikki verða nýtt, og einki verður granskað í teimum. Fleiri eru eisini í iva um, hví vit hava lands- og PISA-royndir, og hvat endamálið við teimum er. Felagið reisir aftur spurningin, hví vit í grundini nýta pening og orku upp á hesar royndir, tá vit ikki brúka tær til nakað gagnligt.

Hóast tað stendur í samgonguskjalinum, at royndirnar verða endurskoðaðar, so heldur landsstýrismaðurin, at tað er ov tíðliga at taka avgerð um, hvat eigur at verða gjørt. Ein frágreiðing verður í løtuni gjørd um, hvat vit ítøkiliga fáa burtur úr at hava landsroyndir, og hvussu tær kunnu verða brúktar betur.

- Eg veit, at lærarar eru ymiskir á máli um, hvat eigur at verða gjørt. Í øllum førum eiga vit ikki at leypa framav og taka eina skjóta avgerð, men viðgera málið, sigur Djóni N. Joensen.

Les meira her