Danska stjórnin hevur fyri løtu síðani meldað út, at ein avtala skal gerast við USA um eitt enn tættari verjusamstarv.
Hendan avtalan kemur at merkja, at amerikanskir hermenn kunnu koma til Danmarkar, og at amerikonsk hernaðarútgerð kann setast upp í Danmark. Sæð í ljósinum av teimum spenningum, ið eru úti í heimi, við øktari russiskari aggresión, er hendan avtalan eftir míni sannføring neyðug.
Danska stjórnin hevur gjørt púra greitt, at hendan avtalan einans skal umfata Danmark og ikki Føroyar og Grønland.
Forsætisráðharrin hevur verið í tøttum dialogi, umvegis samstarvsráðið, við Føroyar og Grønland um komandi avtaluna.
Tað er gleðiligt at síggja, at samstarvsráðið, ið varð sett á stovn seinasta ár, er tikið í nýtslu, og at Føroyar og Grønland verða tikin við í uttanríkis- og verjupolitiskum málum í ríkinum.
Edmund Joensen
fólkatingslimur fyri Sambandsflokkin
Um tú veitst okkurt, sum VP ikki veit - skriva so til vp@vp.fo
