Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Í dag setti Bárður Nielsen tveir nýggjar landsstýrismenn í starv. Tað merkir, at nú eru sjey menn, sum umboða landsins leiðslu í Tinganesi. Eingin kvinna. Tað er ikki í lagi, og tað er beinleiðis ímóti demokratisku virðunum, sum okkara samfelag byggir á.

Javnstøða og fjølbroytt umboðan sum heild kunnu tryggja, at atlit verða tikin til livikorini hjá eini breiðari fjøld – og ikki bara teimum fáu.

Bárður Nielsen hevur ábyrgd av at loysa landsstýrismenn í og úr starvi, og tí hevur hann eisini einsamallur heimild til at broyta, at bara mannfólk eru umboðað í landsstýrinum.

Tí kann mann ivast í, um hann yvirhøvur tekur atlit til javnstøðu, tá hann setur landsstýrismenn í starv. Tað vil eg fegin fáa svar uppá, og tí havi eg sett ein fyrispurning um málið.

Tað er vert at nevna, at Sambandsflokkurin eisini hevur framt eitt landsstýrismannaskifti í hesum valskeiðinum. Tá var tað eisini ein maður fyri ein mann.

Hetta er fyrstu ferð síðan 2004, at eitt landsstýri bara er mannað av monnum. Tað er eitt stórt afturstig og eitt skeivt signal at senda okkara børnum.

Tað hevði tænt Bárði Nielsen at rætta hetta afturstigið, tí tað er bara hann, sum hevur heimild til tað í løtuni.

Ingilín D. Strøm, løgtingskvinna

Um tú veitst okkurt, sum VP ikki veit - skriva so til vp@vp.fo