Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Eurovision er eitt av teimum heilt stóru altjóða tónleikatiltøkunum og sum eisini mangir Føroyingar við fragd njóta á hvørjum ári.

At luttaka í Eurovision hevur stóran týdning fyri tónleikararnar men hevur eisini risa týdning fyri ferðavinnuna hjá luttakaralondunum., tak bara Húsavík í Íslandi.

Og so kemur spurningurin – hví luttaka vit føroyingar ikki?

Vit hava í dag tónleikarar og komponistar sum eru á altjóða og á Eurovision støði.

KVF, FMA og Norðurlandahusið kundu uttan trupulleikar staðið fyri føroysku kappingini.

Trupulleikin er sum ikki einaferð okkara Ríkisfelagsskapur!

Fyri at luttaka í Eurovision skal Kringvarp Føroya gerast limur í felagsskapinum EBU (European Broadcasting Union).

Limagjaldið er ikki serliga stórt og verður ásett eftir støddini á limalandinum og vil ikki verða nakar trupulleiki fyri KVF.

Trupulleikin er at bert sjálvstøðugar tjóðir kunnu verða limir i EBU – júst tað sama sum við OIC (Olympiaduni).

So skulu vit luttaka í Eurovision mugu vit vinna Danska Melodi Grand Prix – Harkaliðið var nær við at vinna á sinni og vit vóna at gávuríki føroyingurin Reiley fer at klára seg væl nú leygarkvøldið við sínum lagi sum eg haldi er upplagt á Eurovision støði, spennandi verður hvussu fer at ganga!

Eg fari at heita á  Sirið Stenberg og Høgna Hoydal um at royna at útvega Føroyum limaskap í EBU sum skjótast og kanska Sjurður Skaale fær donsku stjornina at leggja eitt gott orð inn fyri Føroyar hja EBU.

Sjálvstøðug føroysk luttøka í Eurovision vil hava stórt gagn fyri Føroyar, bæði listarliga og vinnuliga.

Johan Mortensen

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo