Bjørt Samuelsen, tingforkvinna, hevur júst lisið upp, hvør kemur at manna tær ymsu nevndirnar í løgtinginum komandi valskeið.
Greitt er, at Eyðgunn Samuelsen úr Javnaðarflokkinum verður forkvinna í fíggjarnevndini.
Bjarni Hammer, somuleiðis úr Javnaðarflokkinum, verður formaður í uttanlandsnevndini.
Í landsstýrismálanevndini verður Hans Jacob Thomsen formaður. Hann er eisini javnaðarmaður.
Hervør Pálsdóttir úr Tjóðveldi verður forkvinna í rættarnevndini, og í mentanarnevndini verður Sólvit Nolsøe úr Framsókn formaður.
Andstøðan sleppur eisini upp í part og fær tveir formanssessir. Erhard Joensen úr Sambandsflokkinum verður formaður í vinnunevndini, og í trivnaðarnevndini verður Jørgen Niclasen úr Fólkaflokkinum formaður.
Um tú veitst okkurt, sum VP ikki veit - skriva so til vp@vp.fo
