Hóast kokosnøtir og pálmar ikki júst er tað, ein vanliga setur í samband við Føroyar, so er tað eftir øllum at døma ikki ógjørligt at finna eina kokosnøt í føroysku náttúruni. Tað sannaði Tóra Hansen, tá hon í kvøld fann eina slíka á sandinum í Sandavági.
Á facebook spyr hon, um onnur vita um nakað líknandi áður er hent, og í fleiri svørum, hon hevur fingið, sæst, at tað er hent fleiri ferðir áður. Bæði í Svínoy, Kirkjubø og Sandvík hava fólk áður funnið kokonsøtir, sum helst munnu vera komnar rekandi við streyminum.
Tóra greiðir frá, at tá hon flusti uttasta lagið av, var ein heil nøt innanfyri. Hon setti eisini hol á, men mjólkin, sum var í, var rotin.
Um tú veitst okkurt, sum VP ikki veit - skriva so til vp@vp.fo
