Skrásting Føroya hevur funnið mistøk í nærum helvtini av øllum ársfrásagnunum sum komu inn í fjør.
Talan kann eitt nú vera um feilir í nýttum roknskaparátti, feilir í notunum, manglandi samanberingartøl ella upplýsingar og eisini beinleiðis brot á bókhaldslógina, sum til dømis partaeigaralán.
Flestu feilirnir vóru hjá feløgum, sum høvdu frávalt grannskoðara.
Tilsamans vóru 60 stakrondir gjørdar, og feilir vóru í 26 av teimum, ella í 43% av øllum royndunum.
Umframt stakroyndirnar, hevur Skráseting Føroya í sambandi við móttøkueftirlitið við ársfrásagnum, sum eru móttiknar í 2020 stovnað 9 mál. Hesi mál vóru øll viðvíkjandi áogn hjá nærstandandi pørtum, harav nøkur mál vóru viðvíkjandi øðrum viðurskiftum eisini. Afturat hesum eru 12 vegleiðingarskriv send út til feløg viðvíkjandi ársfrásøgn felagsins fyri 2019.
Um tú veitst okkurt, sum VP ikki veit - skriva so til vp@vp.fo