Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

(mynd: Birgir Waag Høgnesen)

(mynd: Birgir Waag Høgnesen)

Stillar tú upp til kommunuvalið, hevur heimafrið sum hjartamál og vilt tú finna loysnir, soleiðis at borgarar kunnu fáa frið frá ljós-, ljóð- og luftdálkan, so vilja vit hjálpa tær og lata teg í til uppgávuna!

Vit vita at málið er komplekst og nógvir spurningar eru hesum viðvíkjandi. Vit hava tí sett okkum fyri at hjálpa flokkum, listum og valevnum.

Ljóðdálkanin frá skipsmotorum er vorðin ein samfelagstrupulleiki, sum gongur út yvir trivnaðin, heilsuna og umhvørvið. Hetta málið má og skal loysast.

Umhvørvið hevur týdning fyri okkara heilsu. Gransking vísir, at ljóðdálkan ávirkar okkara likam negativt og kann føra til blóðpropp, heilabløðing, diabetes og strongd. Londini rundanum okkum hava viðurkent vandan og hava sett tiltøk í verk fyri at koma hesum vanda til lívs, men Føroyar eru langt aftanfyri og liggja í lóg- og regluloysi á hesum økinum.

Kommunurnar sita við lyklinum til loysnina!

Við hesum tíðindaskrivi vendir Heimafriður sær til tann modernaða politikaran, sum hugsar um umhvørvið og vil seta trivnaðinum hjá borgararunum fremst.

Ynskir tú vegleiðing og ráðgeving frá Heimafriði í sambandi við títt valstríð, ert tú vælkomin at venda tær til Heimafrið á heimafridur@gmail.com ella á Facebooksíðu okkara www.facebook.com/heimafridur.

Trina Elttør Eysturoy, forkvinna
Tlf.: 271807

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo