Komandi mikukvøld, 16. oktober verður konsert í Gøtu kirkju kl. 20 við Gøtu Kirkju Ungdómskóri og Østerbro pigekor úr Danmark.
Kórini fara at framføra nøkur verk hvør sær, og enda við at syngja 2 verk saman.
Kórini bæði telja uml. 35 sangarar hvørt. Kórleiðari hjá Østerbro Pigekor er Marlene Lollike, og hjá Gøtu Kirkju Ungdómskóri er Símun Hammer kórleiðari.
Repertoirið hjá kórunum er ein blandingur av heilt nýggjum tónleiki og klassiskum meistaraverkum.
Til konsertina í Gøtu kirkju syngja kórini klassiskar satsir, av J. Brahms, amerikanskar spirituals, sangir av Carl Nielsen og tey fara tey eisini at syngja nakrar vakrar føroyskar sangir, m.a. eftir Eivør Pállsdóttir.
Kórini bæði arbeiða sera seriøst við kórsangi, og áhoyrarnir eiga tí at vænta eina konsert, sum kitlar væl í oyranum, og sum er bæði áhugaverd og gevandi at koma til.
Um tú veitst okkurt, sum VP ikki veit - skriva so til vp@vp.fo
