Tað kann vera trupult at finna oman á Skálatrøð, um tú eitt nú skalt vitja Byggibúðina hjá Valdemar Lützen, Skeiva Pakkhús, Árstíðirnar, Østrøm ella onnur.
Vegna umfatandi vegarbeiði og tiltøk í miðbýnum um vikuskiftið er neyðugt at koyra eftir Gríms Kambansgøtu, fyri at koma til handlarnar. Gríms Kambansgøta er hon, sum havnarfólk kalla Konradsbrekkan.
Og fyri at koma av Skálatrøð aftur ber til at koyra eftir Sigmundargøtu, ið er einvegis, ella niðan eftir Bøgøtu.
Um tú veitst okkurt, sum VP ikki veit - skriva so til vp@vp.fo