Fimm línuskip eru á landgrunninum, eitt við Ísland og trý eru á Íslandsrygginum. Tey á landgrunninum fiska mest av toski, hýsu og so nakað av longu og brosmu, tað við Ísland er meira blandað, meðan tey á Íslandsrygginum fiska mest tosk, svartkalva, blálongu og so nakað av lira.
- Vit rokna við einum skipi fyrst í vikuni og so møguliga trimum seinni í vikuni, sigur Fiskamarknaður Føroya í síni meting fyri vikuna.
Viðvíkjandi útróðri verður sagt, at streymurin harðnar sum vikan gongur, men veðrið verður gott, so vantandi verður nakað av útróðri. Bátarnir fáa mest av hýsu og so nakað av toski.
Ein djúpvatnstrolari er vestanfyri og fiskar kongafisk og kemur hann at landa í vikuni.
Um tú veitst okkurt, sum VP ikki veit - skriva so til vp@vp.fo