- Eitt ísfiskalínuskip eru undir Føroyum og eitt er undir Íslandi. Tað undir Íslandi landar mánadagin, og vit rokna við at tað við Føroyar landar mitt ella síðst í vikuni. Helst fer okkurt línuskip út í næstum. Av frystilínuskipunum eru fýra undir Føroyum og eitt undir Íslandi.
Soleiðis skrivar Fiskamarknaður Føroya í síni meting fyri næstu viku.
Streymurin verður harður í vikuni, men veðrið verður gott, so tað verður helst ikki so nógv av útróðri. Fiskaríið er smáligt fyri tíðina.
Tveir djúpvatnstrolarar eru til fiskiskap. Ein er vestanfyri og fiskar kongafisk, hin er sunnanfyri eftir stinglaksi og blálongu. Teir landa síðst í vikuni.
Tey flestu pørini eru eisini til fiskarí, sigur Fiskamarknaðurin í síni meting.
Um tú veitst okkurt, sum VP ikki veit - skriva so til vp@vp.fo