Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Hagstovan: Níggju fyrstu mánaðirnar í 2022, varð útflutt fyri 9,1 milliard krónur. Somu mánaðir í fjør var útflutningurin 6,8 milliardir krónur. Hetta svarar til 33% vøkstur. Í talvunum niðanfyri sæst, hvussu broytingin er býtt á einstøku fiskasløgini.

Fiskavøruútflutningurin er vaksin til flestu marknaðir.

Laksaútflutningurin er vaksin 32% og var 4,0 milliardir krónur fyrstu níggju mánaðirnar. Hetta hóast útflutta nøgdin minkaði 7%. Størsti vøksturin í útflutningsvirðinum er til Niðurlond, Kina og Týskland við ávikavist 197, 129 og 106 milliónum krónum. Eisini eru fleiri nýggir marknaðir, har so at siga einki hevur verið útflutt til fyrr enn í ár. Hetta eru eitt nú Baltalond og Ísrael, ið innfluttu laks úr Føroyum fyri ávikavist 40 og 69 milliónir krónur fyrstu níýggju mánaðirnar av 2022. 

Útflutningsvirðið fyri botnfiskasløgini tosk, upsa og hýsu er vaksið 431 milliónir krónur ella 45%. Nøgdin er vaksin 9%. Størsti vøksturin sæst í útflutninginum til Spania og Bretland við ávikavist 135 og 132 milliónum krónum.

Útflutningurin til Russlands var 36,6 milliónir krónur í september 2022. Hetta er brenniolja og aðrar vørur til russisk skip.

Um tú veitst okkurt, sum VP ikki veit - skriva so til vp@vp.fo