Í samband við mentanarnáttina sum er í Havn í dag er eitt av tiltøkunum heldur øðrvísi og neyvan roynt í Føroyum áður.
Talan er um eina gongu, har øll kunnu vera við, um tey bara hava eitt fjákut gongulag. Íblásturin hava fyriskipararnir fingið úr sketsjuni Ministry of Silly Walk hjá Monty Python.
Í videobrotinum omanfyri frá BBC er tað fólk í ungarska høvuðsstaðnum Budapest sum skipaðu fyri einum líknandi tiltaki 1. apríl.
Hevur tú hug at ganga fjákut saman við øðrum í dag, so hendir tað í Vágsbotni frá klokkan 17.
Um tú veitst okkurt, sum VP ikki veit - skriva so til vp@vp.fo