Negativar rentur og endurgjald fyri avgjøld á orkuvinarligar bilar koma til aðru viðgerð og sostatt atkvøðugreiðslu á tingfundinum sum byrjar nú klokkan 13.
Uppskotið um negativu renturnar skal millum annað gera tað greitt, at vinnurekandi, sum hava pengar standandi á bók, kunnu draga møguligar útreiðslur av tí frá í skattskyldugu inntøkuni - nakað sum TAKS ikki heldur heimild vera til, sum lógin í dag er orðað.
Talan er um samgonguuppskot.
Uppskotini um at broyta avgjaldið á orkuvinarligum bilum eigur Bjarni Kárason Petersen úr Framsókn. Tað miðar eftir at gera mun á elbilum og hybridbilum, so teir seinnu ikki hava rætt til endurrindan av avgjøldum, tí teir eru í veruleikanum ikki "grønir", sigur uppskotsstillarin.
Um tú veitst okkurt, sum VP ikki veit - skriva so til vp@vp.fo