Tað frættist um fleiri deyð eftir at Ukraina í nátt og tíðliga í morgun hevur lopið á fleiri herstøðir har russar halda til.
Eisini varð lopið á býin Melitopol, sum russar hava hersett. Stórur eldur er at síggja í býnum, og nógvar spreingingar hava verið, skrivar The Guardian.
Ukrainsk embætisfólk siga, at nógvir russiskir hermenn eru falnir í álopunum. Russar siga, at talan er um tveir hermenn.
Um tú veitst okkurt, sum VP ikki veit - skriva so til vp@vp.fo