Sum svar upp á at russiskir diplomatar eru útvísir úr evropeiskum londum, hevur Russland seinastu dagarnar útvíst næstan hundrað diplomatar og starvsfólk á sendistovunum í Moskva.
Í dag boðar uttanríkismálaráðið í Russlandi frá at kravt verður at Slovenia minkar talið av diplomatiskum starvsfólkum við fýra persónum, skrivar tíðindastovan RIA Novosti sambært VG.
Og fyrr í dag boðaði sama ráð frá, at útvístir verða fimm portugisiskir diplomatar sum svar upp á at Portugal útvísti 10 russar í apríl, sambært Reuters.
Mikudagin boðaði uttanríkismálaráðið frá at 34 franskir, 24 italskir og 27 spanskir diplomatar verða útvístir.
Síðani Russland fór í kríggj við Ukraina 24. februar, hava evropeisk lond útvíst yvir 300 russisk ambassadustarvsfólk.
Um tú veitst okkurt, sum VP ikki veit - skriva so til vp@vp.fo