Fleiri stórar handilsketur og fiskainnflytarar vilja boykotta innflutning av fiski úr Føroyum og øðrum londum, sum nokta at vera við til at gera semju um eitt nú makrel og norðhavssild sum tessvegna er í vanda fyri at verða ovurfiskað.
Tað skrivar miðilin Nature World News.
Mótmælini fella saman við strandalandasamráðingunum sum eru í London í hesum døgum, har londini royna at finna felags stev viðvíkjandi áseting av kvotum av makreli, svartkjafti og norðhavssild.
Stórar handilsketur sum Young's Seafood, Tesco, Co-op, Marks & Spencer og Aldi eru við í áheitanini á londini um at koma til semju og, um tað ikki lukkast, so boykotta fiskavørur úr hesum londunum.
Um tú veitst okkurt, sum VP ikki veit - skriva so til vp@vp.fo