Beppe Grillo, stovnari av størsta flokkinum í Italia, fær hvassar ákoyringar, eftir at hann verjir son sín í einum neyðtøkumáli.
- Tit áttu at handtikið meg ístaðin fyri. Sonur mín og vinir hansara eru fýra tápulingar, ikki fýra hópneyðtøkubrotsmenn. Tú kanst ikki koma at hugsa um eina neyðtøku átta dagar eftir og ímeðan fara út at surfa.
Beppe Grillo, fyrrverandi komikari og stovnari av Fimmstjørnurørsluni, er við hesum orðunum endaður í einum ódnarveðri.
Sonur hansara Ciro Grillo er partur av einum rættarmáli um eina hópneyðtøku, hann var við í á Sardinia í juli 2019.
Og videoin hjá Beppe Grillo (omanfyri), har hann verjir sonin í einum illsinnisherðindi, er vorðin tað heilt stóra samtaluevni í Italia, skrivar danska TV 2.
Um tú veitst okkurt, sum VP ikki veit - skriva so til vp@vp.fo
