Tað hevur verið buldraligt á Víkum norðantil á Vágoynni, har Luna er í holtur við at fyrireika aling.
Fóðurflakin Hellutangi, sum varð sleipaður vestur á Víkar í august 2019, har hann skal liggja ankraður, hevur slitið fýra ketur, sum hvør eigur at kunna halda 100 tons, tað upplýsir skiparin á Brimli Julian M. Juul fyri VP.
Brimil og sleipibáturin Samson hjá Mest eru í morgun farnir á Víkar at royna at seta fast á Hellutanga.
Hellutangi er rikin ímóti landi, og var í gjár einar 3-400 metrar úr landi, har hann liggur enn, sambært Atla Gregersen, stjóra.
Tá góvust teir við royndunum at seta fast á Hellutanga, tí tað vóru so ring líkindi.
Ætlanin er at sleipa Hellutanga á Vestmanna, sambært stjóranum.
Um tú veitst okkurt, sum VP ikki veit - skriva so til vp@vp.fo
