Í hesum døgum verður COP15 ráðstevnan um lívmargfeldið hildin í Montréal í Kanada. Endamálið við ráðstevnuni í ár er at samtykkja nýggja avtalu um, hvussu heimsins lond kunnu steðga svinninum av lívmargfeldinum.
Andrea Vang luttekur á ráðstevnuni sum umboð fyri føroyskan ungdóm í Nordic Youth Biodiversity Network (NYBN).
Andrea sigur m.a. soleiðis:
- Sáttmálin hevur eisini týdning fyri føroysku náttúruna og náttúruvernd í Føroyum. Í Føroyum eru fleiri sløg av plantum og djórum hótt, og í nógvum førum vita vit ov lítið um stovnarnar og støðuna til at siga, hvør støðan er. Eisini kann nevnast, at fleiri støð í Føroyum, har sjáldsom sløg halda til, ella har lívmargfeldið er høgt, als ikki eru vard. Hesin altjóða sáttmálin má í fyrsta lagi vera ítøkiligur og væl orðaður og í seinna lagi mugu Føroyar gera sítt til saman við heimsins londum at verja náttúruna og steðga svinninum av lívmargfeldinum.
Um tú veitst okkurt, sum VP ikki veit - skriva so til vp@vp.fo
