Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Eg bjóði meg fram at fara í Fólkatingið. Ein fólkatingssessur kann veruliga gera mun fyri okkum føroyingar, um sessurin verður røktur til fulnar. 

Eg virði føroyska fólkaræðið, tí í Føroyum fremja løgting og landsstýri fólksins vilja. Og eg verði umboð fyri alt Føroya fólk í virðiligum samstarvi við politisku myndugleikarnar í Føroyum. Føroyskar politiskar ósemjur skulu loysast í Føroyum og ikki á Fólkatingi. 

Eg vil samstarva breitt um ítøkilig úrslit. Eg vil samstarva við føroyskar myndugleikar, stovnar, vinnu- og mentanarlív, har ein fólkatingssessur kann gera mun. Og eg verði tøk hjá teimum føroyingum, sum koma tvørt fyri í skipanini. Samstundis fari eg frá fyrsta degi at fylgja væl við í politiskum málum, sum hava við Føroyar at gera. 

Gott og virðiligt samstarv og samskifti við umheimin er ein grundtreyt fyri okkara samfelag, og tí er neyðugt við eini væl skikkaðari umboðan á Christiansborg.

Við mínum politisku royndum og drúgvu og fjølbroyttu arbeiðsroyndum annars í viðførinum, fari eg at arbeiða ótroyttiliga fyri føroyingar og Føroyar á fólkatingi, um eg fái høvið.

Setir tú krossin við meg, so velur tú eina arbeiðssama og væl skikkaða kvinnu á Fólkating.

Kristianna Winther Poulsen, fólkatingsvalevni fyri Javnaðarflokkin

Um tú veitst okkurt, sum VP ikki veit - skriva so til vp@vp.fo