Føroyar hava vunnið heiðurin sum "ársins alternativa ferðamál í Evropa" fyri 2019.
Tað er kenda ferðasíðan Travellemming, sum hevur latið heiðurin, ið byggir á metingarnar hjá fimm ferðakønum bloggarum.
12 ferðamál vóru í uppskoti til heiðurin, og var tað eingin ivi ímillum dómarnar um, hvør vinnarin skuldi verða.
Um orsøkina til, at Føroyar vórðu valdar sum vinnarin, sigur dómsnevndin millum annað, at "Føroyar eru allarhelst eitt av teimum síðstu óspiltu londunum í Evropa, og at landið er ein fullkomin leikvøllur fyri tínar sansir."
Kirsten Rich, ein av teimum fimm dómarum, sigur herundir, at "Føroyar eru ovarlaga á mínum ferðaslista vegna ta ovurhondsvøkru náttúruna í landinum."
Visit Faroe Islands nomineraði Føroyar til heiðurin, sum í fjør fór til Dominikanska lýðveldið.
Um tú veitst okkurt, sum VP ikki veit - skriva so til vp@vp.fo