Føroyski evangeliski missiónsfelagsskapurin Atlantic Mission skipar fyri evangeliseringsferð til oynna Bømlo í Norra mánðarskifti apríl mai.
Farið verður av Havnini mánakvøldið 24. apríl við trúboðaraskipinum Juvél II, og komið verður til Bømlo hósdagin 27. apríl.
Eini 12 -14 fólk sigla við Juvél II yvir til Norra, meðan nøkur fara loftvegis nakrar dagar frammanundan at gera eitt undanarbeiði.
Steðgað verður á Bømlo í tvær vikur, og siglt verður millum býirnar Langevåg, Moster og Urangsvåg, har almenn móttøka verður á havnalagnum á øllum trimum støðunum.
Í landi verða møtir bæði fyri børn, ung og vaksin, og gingið verður í húsini við kristiligum lesnaði. Skipið verður opið fyri vitjandi hvønn dag.
Juvél II verður aftur á Havnini mikudagin 10. mai.
Um tú veitst okkurt, sum VP ikki veit - skriva so til vp@vp.fo