Hóast vaksandi bruttovinning minkaði úrslitið nakað hjá smápartafelagnum Frakt og Sandsølan við heimstaði í Runavík í fjør.
Sum navnið bendir á er høvuðsvirksemið hjá felagnum rakstur av flutningsskipum og søla av sandi.
Bruttoúrslitið vaks út 47 mió kr í 2018 til nærum 51 mió kr í fjør. Men starvsfólkatalið hækkaði úr 98 upp í 114, og tað sást á úrslitinum, sum minkaði úr 6,6 mió kr í 2018 til 5,1 mió kr í fjør.
Leiðslan er nøgd hóast alt og væntar heldur frægari úrslit í hesum árinum.
Frakt og Sandsølan er kend millum manna sum ein væl rikin fyritøka og tað sæst eisini aftur í fíggjarstøðuni, har javnin er nærum 94 mió kr við eini eginogn uppá 22,3 mió kr.
Móðirfelag hjá Frakt og Sandsøluni er Navigare Spf.
Um tú veitst okkurt, sum VP ikki veit - skriva so til vp@vp.fo
