Bókasavnið í Sørvági: Týskvøldið 26. apríl, kl. 19.00, heldur Sigri M. Gaini, Ph.d.-lesandi í politiskari filosofi á Fróðskaparsetri Føroya, fyrilestur á Sørvágs bókasavni við heitinum 'Framsøgufrælsi og haturstala'.
Hvat er haturstala, og eiga vit at hava lógir ímóti haturstalu? Hetta eru spurningar, sum Sigri arbeiðir við úr einum filosofiskum og prinsipiellum sjónarhorni.
Ástøðingar eru ikki á einum máli um, hvørt tað tænir fólkaræðinum at hava virkandi lógir ímóti haturstalu.
Áhugavert er eisini at samanbera U.S.A og Europa, eftirsum U.S.A. er einasta landið í Vesturheiminum, ið ikki hevur virkandi lógir ímóti haturstalu. Hvussu sæst hetta aftur í amerikanska samfelagnum?
Øll eru hjartaliga vælkomin til henda seinasta fyrilesturin í hesum umfari.
Um tú veitst okkurt, sum VP ikki veit - skriva so til vp@vp.fo
