Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Framsýningar

Eins og tey mongu seinnu árini, verður listaframsýningin hjá Lions Club Tórshavn á ólavsøku aftur hesaferð í hugnaligu hølunum í Müllers Pakkhúsi, og – enn sum áður – fer allur ágóðin av framsýningini óskerdur til eitt vælgerandi endamál.

Í ár verður framsýningin opin frá hósdegnum 27. juli til og við sunnudagin 30. juli, og sum vanligt verður talan um eina sera fjølbroytta og blandaða framsýning, har bæði leik og lærd listafólk sýna fram listaverk síni. Hetta er søluframsýning, so við at keypa eitt listaverk ber til at stuðla einum góðum endamáli við einum fittum parti av upphæddini.

Júst nú er Lions Club Tórshavn í ferð við at leggja seinastu hond á fyrireikingarnar til ársins framsýning, og í hesum sambandi er nú klárt hjá framsýnarum at gera vart við seg. Hvørt listafólk kann í mesta lagi hava trý listaverk við á framsýningini, og freistin at tekna seg til framsýningina er úti fríggjadagin 21. juli.

Listafólk kunnu tekna seg við at brúka tekningarskjalið, ið finst á heimasíðuni lions.fo. Listaverkini, ið skulu við á ólavsøkuframsýningina í Müllers Pakkhúsi hesaferð, skulu latast inn sunnudagin 23. juli millum klokkan 18 og 20, og óseld listaverk kunnu heintast aftur sunnukvøldið 30. juli millum klokkan 18.30 og 20.

Enn er endalig avgerð ikki tikin um, hvat vælgerandi endamál ella felagsskapur skal fáa allan ágóðan av framsýningini hesaferð, men boðað verður frá hesum, so skjótt sum tað er greitt.

Um tú veitst okkurt, sum VP ikki veit - skriva so til vp@vp.fo