Onnur tíðindi
Hóast stúgvandi fult av fólki í býnum, var vikuskiftið sum heild friðarligt, sambært døgnrapportini hjá politinum.
- Veðrið var gott og nógv fólk í býnum, men tá eru vit eisini væl mannað, og alt spældi væl av, sum vakthavandi á politistøðini sigur.
Ein maður var drukkin og nakað ólátaður, hann endaði við at noyðast ein túr á støðini við politinum, sum helt tað var best, at hann har svav rúsin av sær. Hann fær nú sekt fyri brot á skilhaldsreglurnar, sum tað eitur.
Í einum øðrum føri var ein bilførari tikin fyri at hava koyrt nógv skjótari enn loyvt. Hann koyrdi 111 km/t og fær klipp í koyrikortið.
Um tú veitst okkurt, sum VP ikki veit - skriva so til vp@vp.fo
