Sambært døgnrapportini hjá politinum duga føroyingar sum heild hógv tá teir stuttleika sær. Fleiri tiltøku vóru í gjár at fara til, og tey vóru øll væl vitjað.
- Har var bæði dansibandsfestivalur í Vági, Bátafestivalur á Toftum og tiltakið á Grynnuni í Havn, og sum vit hava skilt tað var stúgvandi fult av fólki til hesi tiltøkini, men kortini spældi alt væl av, sigur vakthavandi. Helst gjørdi góða veðrið eisini sítt til, at so var.
Í trimum førum vórðu bilførarar tó tiknir, tí illgruni er um, at teir hava koyrt bil ávirkaðir. Tað hendi bæði í suðurøkinum, norðøkinum og miðstaðarøkinum. Eitt harðskapsmál er eisini meldað og verður kannað nærri, men tað var ikki eitt av teimum grovu, sum vakthavandi málber seg.
Um tú veitst okkurt, sum VP ikki veit - skriva so til vp@vp.fo