Mikukvøldið 8. sept kl. 19.00 skipar viðgerðarstovnurin Frælsi, í samstarvi við SSP Vágar, Sørvágs og Vága kommunu fyri kunnandi fyrilestri, har tað m.a. verður umrøtt, hvussu vit kunnu fyribyrgja rúsevninsmisnýtslu, og hvørji eyðkenni ein skal vera varugur við.
Endamálið við fyrilestrinum er at upplýsa um rúsevnismisnýtslu og geva foreldrum, avvarðandi, starvsfólkum og umsorganarpersónum amboð til at hjálpa ungum, sum eru blivin bundin at rúsevnum. Eisini verður hugleitt um, hví so nógv ung taka rúsevni í dag.
Fyrilestrarhaldari er Erling Fles, løggildur sálarfrøðingur.
Fyrilesturin er ókeypis og verður í skúlanum á Giljanesi 8 septembur frá kl. 19:00 til 20:30.
Kaffi og kaka verður eisini bjóðað.
Um tú veitst okkurt, sum VP ikki veit - skriva so til vp@vp.fo