Fyrrverandi russiski forsetin, Dmitrij Medvedev, kom við beinleiðis hóttanum um triðja heimsbardaga, tá hann á sosiala miðlinum Telegram í gjár skrivaði, at tað fór at fáa sera álvarsligar avleiðingar, um vesturheimurin roynir at útnytta kríggið í Ukraina til at leggja trýst á Russland.
- Hetta er sera vandamikið spæl, og skal ikki undirmetast. Ein hóttan ímóti einum kjarnorkuveldi er altíð at telva ímóti deyðanum. Skákmát merkir bara eitt: Dómadag fyri mannaættina, skrivaði fyrrverandi forsetin, stutt eftir at fyrrverandi sovjetiski leiðarin Mikhail Gorbatjov var farin til jarðar.
Hetta er ikki fyrstuferð at russar hótta við kjarnorkukríggi. Í apríl tosaði russiski uttanríkisráðharrin, Sergej Lavrov, um ein veruligan vanda fyri Triðja Heimsbardaga.
Um tú veitst okkurt, sum VP ikki veit - skriva so til vp@vp.fo