Í morgun bjóðaði Dagstovnurin Undir Brúnni morgunmat í sambandi við, at Gísla Poulsen hevur 20 ára starvsdag í dag.
- Hon hevur verið 20 ár á stovninum og er kend av øllum samstarvsfeløgunum fyri at vera loyal um ein háls.
- Og tá mann hevur 20 ára starvsdag, so prógvar tað, at mann ikki bara er loyalur móti starvsfólkunum, men eisini móti stovninum sjálvum.
- Gísla er kend fyri at vera sera dugnalig til sítt arbeiði, at vera røsk og frísk og sera hjartalig. Eitt annað, hon er kend fyri, er at flenna sera nógv - og hart!
- Sum nakað serstakt er Gísla sera álítandi og leiðsla og starvsfólk eins og foreldur kunnu altíð rokna við henni.
- Hon er sera semjusøkjandi og hevur tískil eisini verið álitisfólk í mong ár.
- Og best av øllum - Gísla møtir frísk og glað til arbeiðis hvønn einasta dag, og er tískil nógv umhildin og elskað av bæði børnum og vaksnum, segði borgarstjórin m.a. í morgun, áðrenn hann takkaði fyri trúgva tænastu og handaði Gíslu blómur frá kommununi.
Um tú veitst okkurt, sum VP ikki veit - skriva so til vp@vp.fo
