Spyr prestur meg her á deyðastrá, hvat eg haldi um illamann? Hetta er ikki rætta tíðin at fáa mær nýggjar óvinir
- Voltaire

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Landsstýrismaðurin í uttanríkismálum og løgmaður eru so doyvdir av bonaðu donsku gólvunum, at teir leypa Løgtingið um. 

Í tíðindaskrivi er Føroya løgmaður so spentur sum eitt barn jólaaftan, nú danski forsætisráðharrin kemur á vitjan, og sigur Føroya løgmaður m.a.: “….har øll trý londini í ríkisfelagsskapinum sita runt borðið og á jøvnum føti viðgera uttanríkis-, verju- og trygdarpolitikk.”

Á jøvnum føti er at vera líka, at vera javnsettur. Men Fólkatingið tekur avgerð um radaran, Løgtingið sleppur ikki. Er tað á jøvnum føti?

Danir fara á fund við Nato og onnur, tað sleppa Føroyar ikki. Er tað á jøvnum føti?

Men løgmaður og landsstýrismaðurin í uttanríkismálum leggja ikki í. Bara teir sleppa á bonaðu donsku gólvini, og tosa um Mette og Jeppe, so eru teir nøgdir.

Bonaðu gólvini eru vøkur, men tey eru eisini sera hál.

Latum okkum heldur stíga fast á føroyska gólvið, og loysa. Tá kunnu vit tosa um at vera á jøvnum føti.

Beinta Løwe
tingkvinna fyri Tjóðveldi

Um tú veitst okkurt, sum VP ikki veit - skriva so til vp@vp.fo