Smápartafelagið Ågot við heimstaði í Klaksvík, sum eigur línuskipið við sama navni, hevði eitt metgott ár í fjør.
Bruttovinningurin vaks úr 13,4 mió kr í 2018 til 21,7 mió kr í fjør.
Ársúrslitið meira enn trífaldaðist, úr 1,3 mió kr í 2018 til 4,3 mió kr í fjør.
Eisini hýrurnar vuksu, úr góðum 10 upp í 15 mió kr.
Felagið er væl fyri, við einum fíggjarjavna uppá 26 mió kr og eini eginogn uppá 14 mió kr.
Um framtíðarútlitini siga teir tó í leiðslufrágreiðingini, at fiskapríslækkingin av koronaávum helst fer at seta síni fingramerki á úrslitið í hesum árinum, so 2020 kann ikki væntast at blíva eins gott.
Brøðurnir Eyðstein og Hjaltur Ólason Poulsen stjórna smápartafelagnum Ågot.
Um tú veitst okkurt, sum VP ikki veit - skriva so til vp@vp.fo