Vinna
Tað stóð væl og virðiliga upp og niður hjá Sandoy Seafood farna roknskaparár. Tað hevur annars verið tungt hoyggj at draga hjá teimum í Skopun, og árið frammanundan endaði soleiðis við, at tað lá um nullið. Men í fjør bar til, og nærum 2,2 mió kr lógu eftir til eigararnar aftaná skatt.
Skuldin er tó nakað stór í mun til tølini annars, og í fjør kostaði hon eina millión at hava, eins og hon hevur gjørt tey undanfarnu árini.
Fíggjarstøðan javnvigar við góðum 65 mió kr og eginognin er 27 mió kr.
Leiðslan sigur í frágreiðingini, at tað er trupult at siga nakað um framtíðina, sum heimurin er vorðin.
Stjóri er Martin Olsen.
Um tú veitst okkurt, sum VP ikki veit - skriva so til vp@vp.fo
