Vit skulu fleiri ár aftur í tíðina fyri at finna eitt líka gott ár hjá partafelagnum Skemmuni sum tað í fjør.
Skemman hevði ein bruttovinning uppá 15,4 mió kr, sum skal samanberast við 12,3 mió kr árið fyri.
Ársúrslitið var 5,4 mió kr í fjør, sum skal samanberast við 3,8 mió kr í árið fyri.
Vit skulu eini 10 - 12 ár aftur í tíðina fyri at finna líka góð tøl. Síðani tá hava serliga starvsfólkakostnaðir hildið úrslitinum niðri.
Partafelagið Skemman er sera væl fyri, ongin rentuberandi skuld er og eginognin 7 mió kr.
Vinningsbýti á 11 mió kr er útgoldið eigaranum, sum er íslendska felagið Rúmfatalagerinn Ehf hjá Jákupi á Dul.
Dan Hansen er stjóri í Skemmuni.
Um tú veitst okkurt, sum VP ikki veit - skriva so til vp@vp.fo
