Onnur tíðindi
Ein 53 ára gamal maður í Grønlandi er deyður, eftir at hol kom á fleiri posar av hassji, sum maðurin hevði svølgt og síðani roynt at smugla til Grønlands.
Grønlendski landslæknin upplýsir, at ein líkskurður var gjørdur av manninum, og tá kom fram, at hann hevði ógvusligan bruna í tarmunum. Brunin kom av hassjinum, tí hol var komið á posan sum hassjið var í.
Hetta er triðjuferð í ár at fólk í Grønlandi doyggja tí tey royna at smugla hassj sum tey hava svølgt.
Higartil í ár eru 45 fólk tikin fyri at royna at smugla ólóglig rúsevni í tarmunum. Tað er 220% meira enn í fjør.
Um tú veitst okkurt, sum VP ikki veit - skriva so til vp@vp.fo
